Lýsing
Um starvið
Talan er um eitt fast fulltíðarstarv at seta skjótast gjørligt. Møguleiki er fyri niðursettari tíð. Arbeitt verður gerandisdagar í dagtímunum. Starvsstaðurin er í Havn.
Arbeiðsuppgávur
Borgaratænastan viðger umsóknir um uppihaldsveiting vegna arbeiðsloysi, sjúku, samlívsslit og aðrar almannahendingar. Vit gera avtalur við arbeiðsgevarar um at seta í verk virknisvenjing. Vit gera uppfylging av sjúkudagpengum. Umsóknir um persónliga viðbót til pensjónistar og stakútreiðslur og umsóknir um fyritíðarpensjón vegna einkjustøðu verða somuleiðis viðgjørdar á deildini. Tú skalt møta borgarum, har hann er og veita almenna sosiala ráðgeving og vegleiðing.
Deildin ger uppleitandi arbeiði og veitir regluliga ráðgeving á eitt nú Landssjúkrahúsinum og Herberginum. Deildin ger heildarlýsingar, virkisætlanir og visiterar til aðrar deildir í Almannaverkinum.
Borgaratænastan er mannað við 12 sosialráðgevum um alt landið.
Førleikar
Útbúgving sum sosialráðgevi.
