Lýsing
Undirvísingarstýrið sóknast eftir einum dugnaligum stjóra, sum hevur áhuga fyri námsfrøðiligari og fakligari menning og hegni at átaka sær leiðslustarv í einum av størstu fólkaskúlunum í Føroyum.
Starvið sum skúlastjóri á Skúlatrøð verður lýst leyst at seta frá 1. sept. 2024 ella sum skjótast eftir tað. Á Skúlatrøð eru skúlaárið 2024/25 í alt 751 næmingar innskrivaðir í 1. - 10. flokk. Eitt sertilboð er eisini skipað við 56 næmingum. Starvsfólkaliðið á Skúlatrøð er um 80 ársverk.
Á Skúlatrøð er móttøkuskúli fyri næmingum úr hinum skúlunum í Norðoyggjum. Næmingarnir koma í hádeildina á Skúlatrøð. Skúlin umsitur eisini felags førleikastovu fyri skúlarnar í
Norðoyggjum.
Um starvið
Skúlastjórin hevur til uppgávu at:
- standa á odda fyri dagførdari, fakligari og námsfrøðiligari menning
- fremja mennandi starvsfólkaleiðslu og virka fyri, at starvsfólk hava umstøður fyri fakligari
menning - virka fyri trivnaði og góðum samstarvi við atliti at næmingum og starvsfólki
- skapa virðing fyri skúlanum og umstøður hjá tí einstaka fyri ávirkan og samábyrgd
- fremja gott samstarv millum skúla og heim, tryggja dygd í undirvísingini og eggja næmingum og foreldrum at fáa sum mest burtur úr skúlagongdini bæði fakliga og sosialt
- umsita fíggjar- og rakstrarstýring
- samstarva við skúlamyndugleikan á staðnum og leiðslur í øðrum skúlum í Norðoyggjum
Førleikakrøv
Umsøkjarar skulu hava:
- læraraútbúgving
- viðkomandi starvsroyndir
- førleika at taka neyðugar avgerðir, at virka fyri trivnaði og einum mennandi læruumhvørvi
- leiðsluroyndir og antin hava ella fara undir útbúgving innan leiðslu
Samstarvsskipan í Klaksvíkar kommunu
Skúlastjórin samstarvar við trivnaðardeildina, sum umsitingarliga varðar av kommunala parti skúlans, umframt við aðrar deildir. Dagliga samskiftið og samstarvið er við trivnaðarstjóran, har dentur verður lagdur á í felag at virka fyri at menna skúlaskapin í kommununi.
Setanarviðurskifti
Setanarøkið er undir Barna- og útbúgvingarmálaráðnum við fyribils tænastu á Skúlatrøð. Tann, ið settur verður, eigur at tola broytingar í starvinum.
Starvið er sáttmálasett, og er flokkað í lønarflokki 40.1 sambært avtalu millum Fíggjarmálaráðið og Føroya Lærarafelag. Lønin er í løtuni 59.675,57 kr. umframt 17% í eftirløn. Verður tænastumaður settur í starvið, varðveitir viðkomandi tænastumannasetanina
Umsóknir
Umsókn saman við avriti av læraraprógvi, C.V. og viðmælum skal vera Undirvísingarstýrinum í hendi í seinasta lagi 1. aug. 2024.
Umsóknin verður stílað til:
Undirvísingarstýrið
Postsmoga 9
Hoyvíksvegur 72
110 Tórshavn
ella við t-posti: uvs@uvs.fo
Tey, ið ynskja fleiri upplýsingar um starvið, kunnu
ringja til Magnus Tausen, fulltrúa, tlf. 555029 ella
skriva til magnust@uvs.fo
Undirvísingarstýrið er fyrisitingarlig eind undir Barna- og útbúgvingarmálaráðnum. Undirvísingarstýrið tekur sær av fyrisitingarligum rakstraruppgávum í undirvísingarverkinum. Sí nærri lýsing á www.uvs.fo