Lýsing
Vilt tú gerast partur av einum góðum starvsfólkabólki, har trivnaður og menning er í hásæti?
Vit sóknast eftir einum nýggjum starvsfelagi – námsfrøðingi ella hjálparfólki – at starvast 35 tímar um vikuna í barnagarði. Starvið er tíðaravmarkað til 11. juli 2025.
Vit eru
Býlingshúsið millum Gilja er ein lítil stovnur við tveimum barnagarðsstovum og einari vøggustovu við í alt 44 børnum. Okkara umhvørvi leggur upp til, at børnini sleppa at ferðast ímillum stovurnar og skapa sambond við børn og vaksin á øllum stovninum. Okkara námsfrøðiliga arbeiði er grundað á m.a. ICDP og nøkur hugtøk, ið fylla nógv í okkara gerandisdegi, eru spæl, menning, viðávirkan og trivnaður. Løtumyndir av okkara gerandisdegi eru at finna á okkara instagram profili: @giljaboern
