Lýsing
Søkt verður eftir einum starvsfólkið, at byrja 1 juni ella eftir nærri avtalu.
Heimistova er eitt dagtilhald fyri heimabúgvandi borgarar. Harafturat er tað eisini eitt tilboð fyri tey, ið búgva á Eysturoyar røktar- og ellisheimið. Tilboðini fevna m.a. um sang, lesnað, ítriv, útferðir, handaligt arbeiði, rørslu og gongutúrar.
Endamálið er, at stuðla hvørjum einstøkum til ein virðiligan, virknan og innihaldsríkan gerandisdag í góðum felagsskapi við onnur.
Vit leggja stóran dent á, at starvsfólkið hevur røttu persónligu eginleikarnar, gott tol og ein jaligan hugburð.
Ert tú námsfrøðingur, heilsurøktari ella heilsuhjálpari og brennir tú fyri eldraøkinum og fyri at skapa góð og virðilig kor fyri tey eldru, so hevur tú møguleikan at gerast ein partur av okkara toymi.
Talan er um eitt starv á starvsbrøki 0,7 svarandi til 28 tímar um vikuna. Arbeiðstíðin er frá kl 9-16 , týs- miku- hós- og fríggjadag.
Førleikakrøv
• Áhuga og hegni at vera um eldri fólk.
• Rúmlig/ur, tolin, kreativ/ur, og tolir at tingini ikki altíð ganga sum ætlað.
• Hevur gott eyga fyri førleikum hjá hvørjum einkultum borgara og dugir at brúka hesar í
arbeiðinum.
• Megnar at samskifta á ein virðiligan hátt, bæði við tey eldru, avvarðandi og
starvsfelagar.
• Ert ábyrgdarfull/ur, arbeiðssom/samur og nærløgd/lagdur, eisini tá ið talan er um
praktiskar uppgávur, ið skulu loysast.
• Áhuga og evni til tvørfakligt samstarv.
• KT-førleika á brúkarastøði. Skjalfest verður í Cosmic.
Vit kunnu bjóða tær
• Fakligar avbjóðingar í samstarvi við starvsfólkini í toyminum, sum nú er fysio- og
ergoterapeutar og heilsurøktara.
• Tvørfakligt samstarv við heimatænastuna
• Góðar og mennandi arbeiðsumstøður.
• Heimligt og positivt arbeiðsumhvørvi.
Meira fæst at vita
Meira fæst at vita um starvið við at venda sær til Brynhild Nielsen, virkandi deildarleiðara á tlf. 793362 ella við telduposti til brynhildn@rodin.fo
Løn-og setanartreytir
Setanarstaðurin er Roðin og starvið verður lønt sambært sáttmála við KAF/Fíggjarmálaráðið og avvarðandi fakfelag.
Umsókn
Umsókn saman við prógvum, CV og møguligum viðmælum skal sendast við teldupost til
rodin@rodin.fo
Umsóknin skal verða okkum í hendi í seinasta lagi 16. apríl 2025. Vinarliga viðmerk “starvsfólk til Heimistovu” í umsóknina.
