Lýsing
Um størvini
Talan er um fulltíðarstørv, við møguleika fyri niðursettari tíð. Eisini søkja vit eftir avloysarum. Arbeitt verður í ymiskum vaktum – dag-, kvøld-, náttar- og døgnvaktum. Starvsstaðurin er í Klaksvík. Størvini verða sett skjótast gjørligt.
Arbeiðsuppgávur
Skálagarður er ein bú-, umlættingar- og endurmenningardepil fyri fólk við seinheilaskaða í aldrinum 18-67 ár. Á deplinum eru búpláss, umlættingarpláss og fyribilsbústaðir. Hjá okkum fært tú høvi til at arbeiða við einum málbólki, sum hevur brúk fyri serkønum stuðli og gerandisligari endurmenning. Vit bjóða eitt innihaldsríkt arbeiði, har tú saman við einum tvørfakligum toymi arbeiðir við at fremja lívsvirðið og sjálvræðið hjá borgaranum.
Í samstarvi við borgaran skalt tú stuðla einum tryggum og mennandi umhvørvi, vegleiða borgarum í dagligum virksemi, veita ella hjálpa við persónligari røkt og øðrum uppgávum. Harafturat skalt tú samstarva við borgara, avvarðandi og tvørfakliga um endurvenjingarætlanir. Umráðandi partur av arbeiðinum er at skjalprógva.
