Starvsfólk til Frítíðarskúlan á Argjahamri

Sjóðar tú av orku og eldhuga at geva børnunum spennandi upplivingar og kveikja forvitni og áræði teirra, og vilt geva børnum ein innihaldsríkan gerandisdag við mennandi royndum og styrkja spælihug og sosialar førleikar, so er at smekka eina umsókn av stað og søkja starvið sum námsfrøðingur, námsfrøðiligum atstøðingur ella hjálparfólk.

Tórshavnar kommuna søkir vegna Frítíðarskúlan á Argjahamri eftir námsfrøðingi, námsfrøðiligum atstøðingi ella hjálparfólki at arbeiða 25-30 tímar um vikuna. Onnur tímasamanseting er eisini møgulig.

Størvini eru til setan 16. oktober 2023 ella eftir nærri avtalu.

Okkum tørvar starvsfólk sum:

• vilja samstarva og arbeiða eftir okkara námsætlan og virðum
• vilja menna tað námsfrøðiliga arbeiðið og hugsanina, og vilja virka fyri einum fakligum umhvørvi
• kunnu virka í góðum samstarvi við starvsfelagar, børn og foreldur
• hava hug at skapa ein fjølbroyttan og tryggan gerandisdag, við virðing og umsorgan fyri tí einstaka barninum, foreldrunum og starvsfeløgunum
• taka ábyrgd og hava yvirlit, eru sjálvstøðug og kunnu taka avgerðir
• eru íverksetandi og aktivt luttakandi saman við børnunum í teimum ymisku tiltøkunum/fyriskipanum

Leinkja til starvslýsingina á okkara heimasíðu

Leinkja til umsóknarskema