Lýsing
Vit hava úr at gera og tí tørvar okkum starvsfólk til goymsluna við starvsbyrjan hálvan januar.
Talan er um fulltíðarstarv og tú kemur at sigla eftir skiftisskipan áljóðandi 4 vikur úti og 4 vikur heima.
Uppgávur
Arbeiði sum goymslufólk umborð á Norrönu umfatar millum annað
- Vørumóttøku á dekkinum
- Fáa vøruna til og frá goymsluna, og út til sølustøðini
- Skipa goymsluna umborð
- Vøruteljing mánaðarliga
- Halda goymsluna reina og ruddiliga
Harumframt verður tín uppgáva at stuðla køkinum, við at útvega ymiska vøru og takast við annað fyrifallandi arbeiði, ið hoyrir til á einari goymslu.
Tín vangamynd
- Tú trívist at arbeiða í einum toymi og dámar at vera í gongd
- Tú er tænastusinnað/ur hóast nógv er at gera, og tær dámar at arbeiða í einum livandi umhvørvi
- Tú dugir væl at arbeiða sjálvstøðugt og leggja arbeiðsdagin til rættis
- Tú kemur at arbeiða 10 tímar um dagin saman við 90-100 starvsfelagum
- Tú kemur at arbeiða skiftandi tíðir
- Tú er greið/ur yvir at, tú kemur at búgva umborð á skipinum í áleið 4 vikur hvønn túrin
- Koyrikort til trukk er ein fyrimunur, tó ikki eitt krav
Vit bjóða
Vit taka væl ímóti tær, og tú fært dugnaligar starvsfelagar, ið koma at hjálpa tær fyrstu tíðina. Tú verður partur av einum toymi har tónin er óformellur, og vit hugna okkum saman.
Setanartreytir
Setanartreytir sambært sáttmála millum Føroya Fiskimannafelag & Reiðarafelagið fyri Farmaskip.
Starvssetan
Starvssetan er hálvan januar. Talan er um fulltíðarstarv.
Freist at søkja
Freistin at søkja er 1. januar 2025. Umsóknir verða viðgjørdar leypandi, og vit bíða gjarna eftir tí rætta. Allar umsóknir verða viðgjørdar í trúnaði.
Tú søkir starvið við at senda tína umsókn umvegis frymilin niðast á heimasíðuni HER
Hevur tú spurningar til starvið ert tú vælkomin at seta teg í samband við leiðarar í køkinum, Jean Alex og Helga á executivechef@norrona.fo ella 344835.
