Lýsing
Hevur tú áhuga í at gera mun fyri nýggjar borgarar í Tórshavnar kommunu, og brennir tú fyri integratiónsøkinum?
Vit sóknast eftir eldhugaðum starvsfólki til Altjóðahúsið hjá Tórshavnar kommunu.
Nýggja integratiónslógin hevur nýggjar uppgávur við sær, og sóknast vit tí eftir starvsfólki. Sum starvsfólk á integratiónsøkinum er tín uppgáva at vegleiða, hjálpa og vísa á møguleikar og tænastur í kommununi.
Í Tórshavnar kommuna fegnast vit um fjølbroytnið, sum nýggir borgarar hava við sær, bæði mentanarliga og sosialt. Fyri at tryggja, at øll trívast og verða ein virkin partur av samfelagnum, leggja vit stóran dent á gott integratiónsarbeiði. Vit leita eftir tær, sum hevur hug at vera við til at menna og fremja hetta týdningarmikla arbeiði.
https://www.torshavn.fo/um-kommununa/starv-i-kommununi/leys-stoerv?job=144716
