Starvsfólk til leiðbeiningina á Suðuroyar Sjúkrahúsi

Søkt verður eftir fólki til fast starv í leiðbeiningini á 19,5 tímar um vikuna frá 1. januar 2024 ella eftir nærri avtalu. Arbeiðstíðin skiftir ímillum fyrrapartar og seinnap9artar.

Leiðbeingingin er opin gerandisdagar frá kl. 8.00-15.30. Í leiðbeiningini starvast tvey fólk fast, umframt ein avloysari.

Uppgávurnar í vekslaranum/leiðbeiningini eru m.a.

• avgreiðsla av telefonsamskifti
• at leiðbeina sjúklingar og vitjandi til rætta viðkomandi
• umsiting av kassa/banka
• postavgreiðsla
• skráseting av sjúklingum
• at fyriskipa praktisk viðurskifti í sambandi við yvirflytingar av sjúklingum, ið skulu til útlandið
• aðrar fyrifallandi uppgávur.

Vit sóknast eftir starvsfólki, ið

• er fyrikomandi og dugir væl at orða seg
• er tænastusinnað og hevur góð samstarvsevnir
• er ábyrgdarfult og kann arbeiða sjálvstøðugt
• er fleksibult og sær avbjóðingar fram um forðingar
• hevur góðan telduførleika
• dugir at hava nógvar bóltar í luftini samstundis
• skrivs tovuútbúgving kann vera ein fyrimunur, men er ikki eitt krav.

Vit bjóða

• eitt spennandi starv við fjølbroyttum arbeiðsuppgávum, har ongin dagur er eins
• eitt áhugavert arbeiðsumhvørvi við nógvum ymiskum fakbólkum og uppgávum
• skipaða innleiðslu.

Løn og setanartreytir eru sambært sáttmála millum Fíggjarmálaráðið og Starvsfelagið.

Meira fæst at vita um starvið við at venda sær til Gunnbjørg Guttesen, virkandi stjóra á tlf. 34 33 00 ella teldupost gunnbjorg@ssh.fo.

Umsóknir við viðkomandi skjølum skulu sendast til starv@ssh.fo og skulu vera okkum í hendi í seinasta lagi tórsdagin 14. desember 2023.

Sí lýsing her