Lýsing
Ert tú áhugað/ur í fjølbroyttum bókhaldsarbeiði? Vit leita eftir ágrýtnum og álítandi starvsfólki til roknskapardeildina at byrja skjótast gjørligt.
Starvið
Í hesum starvinum kemur tú at røkja fjølbroyttar bókhaldsuppgávur, lønarumsiting og aðrar fyrifallandi skrivstovuuppgávur. Á roknskapardeildini, ið er í Søldarfirði, starvast í dag fýra starvsfólk.
Vit leggja dent á, at tú:
- Hevur royndir við bókhaldsarbeiði og lønarumsiting
- Hevur góðan telduførleika m.a. excel
- Tekur ábyrgd og kanst arbeiða sjálvstøðugt
- Hevur góð samstarvsevni
- Hevur góðan røkjuskap
- Hevur tú kunnleika til Navision (NAV), er hetta ein fyrimunur
Vit kunnu bjóða:
- Góðar arbeiðsumstøður í nýggjum skrivstovuhølum
- Ein spennandi gerandisdag við fjølbroyttum arbeiðsuppgávum
- Møguleika at seta tín dám á og vera partur av framhaldandi menning av núverandi og nýggjum skipanum
- Eitt gott og stórt toymi við drúgvum royndum
Um okkum
Navigare Shipping varð stovnað í 1966 og fevnir í dag um 160 starvsfólk, 11 skip og trý skip í fastari sigling fyri okkum. Virksemi felagsins er í høvuðsheitum farmasigling í Norðurevropa. Í umsitingini starvast 25 fólk, av hesum eru 14 á høvuðsskrivstovuni í Søldarfirði.
Sí meira kunning á: www.navigare.fo
Lønar- og setanartreytir
Arbeiðsplássið er á høvuðsskrivstovuni í Søldarfirði.
Løn verður sett eftir avtalu, og starvið verður sett skjótast gjørligt.
Fá meir at vita við at venda tær til Johannu Olsen, roknskaparleiðara, á tlf. 523037 ella t-post johanna@navigare.fo
Umsókn:
Umsókn við prógvi, lívsrensli og øðrum viðkomandi skjølum skal sendast til info@navigare.fo seinast 15. mai 2022
