Lýsing
Søkt verður eftir einum starvsfólki til Sambýlið Mylnutún í Klaksvík.
Um starvið
Talan er um eitt barnsburðarfarloyvisstarv 30 tímar um vikuna at byrja 01.02.2023, ella eftir nærri avtalu, til 15.05.2024. Arbeiðstíðirnar eru í vaktum gerandisdagar og 3. hvørt vikuskifti. Starvsstaðurin er í Klaksvík.
Arbeiðsuppgávur
Arbeiðsuppgávurnar eru at virka fyri, at borgarin fær neyðugan stuðul og umsorgan, soleiðis at viðkomandi fær ein tryggan, skipaðan og mennandi gerandisdag. Eisini er uppgávan at hjálpa borgaranum at gerast sjálvbjargin í egnari íbúð.
Førleikar
Søkt verður eftir starvsfólki við námsfrøðiligari ella heilsufakligari útbúgving. Um eingin við nevndu útbúgvingum søkir, kann starvið verða fyribilssett við hjálparfólki. Neyðugt er at hava koyrikort til bil.
