Lýsing
Á Tænastudeildini arbeiða okkara røsku starvsfelagar í reingerðini við bæði reingerð, men eisini týdningarmiklu uppgávuni, at fyribyrgja smittu. H-bygningurin er nú tikin í nýtslu, og tí hava vit brúk fyri nýggjum, og góðum starvsfeløgum, til okkara starvsfólkahóp. Setanin er í Tænastudeildini, og hon fevnir um alt Landssjúkrahúsið. Starvsbyrjan er 15. desember 2024 ella skjótast gjørligt.
Um arbeiðið
Arbeiðið snýr seg í høvuðsheitum um reingerð av sjúkrastovum, skrivstovum, viðgerðarhølum og øðrum økjum á ymiskum deildum á Landssjúkrahúsinum. Arbeitt verður eftir galdandi reglum innan reingerð, og neyðug upplæring innan økið verður givin við starvsbyrjan.
Umframt høvuðsuppgávuna innan reingerð, so eru vit eisini partur av borðreiða máltíðir til sjúklingar. Hetta er í samstarvi við Køkin, og kalla vit tað Borðreiðingartoymið. Ikki allar setanir eru í hesum toyminum.
Arbeiðstíðirnar kunna vera ymiskar, og eru tær millum kl. 7 á morgni og kl. 20 um kvøldið, bæði gerandis- og halgidagar. Arbeiðstíðin er áleið 35 tímar um vikuna. Vikuskiftisvaktir eru 3. hvørt vikuskiftið, kann koma fyri, at arbeitt verður 2. hvørt vikuskiftið.
