Lýsing
Talan er um fast starv, hálva tíð, at byrja skjótast til ber ella eftir nærri avtalu. Arbeiðsstaðurin er í Tórshavn, og arbeitt verður vanliga mánadag til fríggjadag í dagtímunum.
Arbeiðsuppgávur
VaktÆtlan er ein arbeiðsætlanarskipan, har vaktarskipanin hjá omanfyri 1000 starvsfólkum í Trivnaðardeplinum verður løgd til rættis og skrásett. Vaktætlanarskipanin er somuleiðis forskipan til lønarskipanina hjá Gjaldstovuni og er samkoyrd við hesari.
Vaktætlanarskipanin verður eisini nýtt til at fylgja við kostnaðinum av arbeiðsætlanunum og er tí týðandi partur av fíggjarstýringini í Trivnaðardeplinum.
Tú skalt í tøttum samstarvi við leiðslurnar í Trivnaðardeplinum tryggja, at starvsfólkini í Almannaverkinum altíð hava eina dagførda arbeiðsætlan í vaktætlanarskipanini, soleiðis at starvsfólkini fáa røttu lønina til røttu tíðina.
Ein av høvuðsuppgávunum er dagliga at røkja og dagføra arbeiðsætlanina. Talan er tí um at hava um hendi dagligu umsitingina av vaktætlanarskipanini, t.v.s. at gera skrásetingar í arbeiðsætlanini, gera tær broytingar, ið regluliga koma fyri, hava eftirlit við sáttmálum og ráðgeva og vegleiða leiðsluni. Harafturat er ávíst samskifti við Gjaldstovuna.
