Lýsing
Vit sóknast eftir
Starvsfólki til køkin í Norðoya Ellis- og Vistarheim frá 1. oktober 2024 ella eftir nærri avtalu. Starvsbrøkurin er 0,475, og arbeitt verður í dagtímum aðruhvørja viku, eisini annaðhvørt vikuskifti.
Endamálið við starvinum er at tryggja búfólkunum føðslugóðan kost eftir tørvi. Arbeiðsuppgávurnar fevna í høvuðsheitum um matframleiðslu, at leggja til rættis og samskipa, innkeyp og innaneftirlit. Hesar skulu fremjast í tøttum samstarvi við annað starvsfólk í køkinum á Norðoya Ellis- og Vistarheimi.
Førleikakrøv og karmar
Til starvið krevst kostfaklig útbúgving, so sum føðsluatstøðingur ella onnur kostfaklig útbúgving.
Um teg:
- Tú hevur góð evni at samskifta og samskipa og megnar at hava yvirlit undir trýsti.
- Tú megnar at arbeiða saman við starvs- og búfólkum í mun til teirra tørv og ynskir, og stuðlar soleiðis undir einum góðum arbeiðsumhvørvi og trivnaði í húsinum.
- Tú ert fleksibul í mun til at loysa skiftandi arbeiðsuppgávur.
Royndir frá stovnskøki kunnu vera ein fyrimunur.
Vit kunnu bjóða eitt arbeiðspláss við fakligum avbjóðingum og góðari innleiðslu.
Øllum starvsfólkum í NBH stendur í boði at venja ókeypis í venjingarhølunum ‘Ven & Virka’.
Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum tú kanst kunna teg um á heimasíðuni, https://nbh.fo/nbh/.
Lønar- og setanartreytir
Verða sambært galdandi sáttmála millum Fíggjarmálaráðið og Kost & føðslufelagið.
Nærri kunning fæst við at venda sær til Dianu Johannessen, deildarleiðara á Norðoya Ellis- og Vistarheimi, á tel.+298 793420 ella við telduposti til dianaj@nbh.fo.
Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
Umsóknarfreistin til starvið er 16. august 2024.
