Lýsing
Hevur tú hug at gerast ein partur av dugnaligum starvsfólkahópi, so er tað kanska júst tær vit leita eftir. Vesturvón veitur nógvar ymiskar tænastur til borgarar í Vága - og Sørvágs kommunu, heimahjálp, sjúkrarøkt, dagtilboð, búpláss og annað.
Saman vilja vit tryggja, at borgarar fáa eina samskipaða heildartænastu, sum tekur atlit til tørv, trivna, fortreytir og sjálvsavgerðarrætt hins einstaka.
Í móttøkuni kemur tú at taka tær av vanligum móttøku og skrivstovuuppgávum, skráseta rokningar og skjalfesta.
Søkt verður eftir:
Móttøkufólki til fast starv 11 tímar um vikuna at byrja 1. juni 2023 ella
eftir nærri avtalu
Vit vænta at tú:
Er fyrikomandi og blíð/ur
Hevur góð evni at samstarva og samskifta við starvsfólk, avvarðandi,
búfólk og vitjandi munnligt eins væl og skrivligt
Er skipað/ur í tíni tilgongd til arbeiðið
Hevur evni at seta teg inn í skipanir, ið verða brúktar á økinum, til dømis journalskipanina 360
Vit bjóða tær:
Eitt gott og spennandi arbeiðspláss við eldhugaðum starvsfólkum
Góða innleiðslu
Meiri fæst at vita:
Nærri fæst at vita um starvið, við at venda sær til Jóngerð M. Nielsen, stjóra á tlf. 793201
Setanarviðurskifti:
Starvið er 11 tímar um vikuna, í dagtímum og í tøttum samstarvi við hitt starvsfólkið í móttøkuni. Starvsstaðurin er Heimið á Sýnini, Kálvalíðvegur 2, 370 Miðvágur.
Løn og setanartreytir eru sambært sáttmála millum KAF og Starvsfelagið.
Fyrisitingarlig støða:
Móttøkufólkið hevur ábyrgd mótvegis stjóranum hjá Vesturvón.
Umsóknir:
Umsókn við skjølum skal sendast til: vesturvon@vesturvon.fo viðmerkt “Móttøkufólk”
Umsóknarfreistin er 7. mai 2023
