Lýsing
Tann 1. juni letur nýggj spennandi matstova upp í hjartanum í Havn.
Tubbak er eitt nýtt og øðrvísi matstovukonsept, ið sameinir dygdargóðar grillrættir við nýmótans sushi, sum hevur íblástur úr Suðuramerika og Asia. Matupplivingin verður heilt serstøk – við skapandi deilirættum og kokkteylum, livandi tónleiki, spennandi tiltøkum og einari show‑bar í miðjuni.
Um starvið
Sum tænari á Tubbak verður tú partur av eini matstovu, har upplivingin er líka stórur partur av máltíðini, sum maturin sjálvur. Tú verður tann, sum tekur ímóti gestunum og setir dám á vitjanina. Tú ráðgevur, serverar og tryggjar, at øll økini í matstovuni eru innbjóðandi, so at gestirnir fáa eina minnisríka uppliving. Her arbeiðir tú mitt í einum kreativum umhvørvi, har rættir og kokkteyls verða borðreidd við estetikki, smakki og eyka stíli.
Tú
- Dámar væl at samskifta við gestir, og veit, hvussu umráðandi góð tænastu er
- Er væl skipað/ur og dugir at hava yvirlit, eisini undir trýsti
- Ert 18 ár ella eldri, tí tú skalt borðreiða rúsdrekka
- Royndir innan tænastu eru ein fyrimunur, men ikki eitt treyt
Vit bjóða tær
- Eitt livandi arbeiðsumhvørvi, við einum fjølbroyttum arbeiðsdegi og góðum møguleikum at læra og mennast
- Upplæring í tænastu, mat- og drekkiskránna, og hvussu tú skapar góðar gestaupplivingar
- Eina jaliga arbeiðsmentan við dugnaligum og eldhugaðum starvsfeløgum
Setanartreytir
Setanartreytir fylgja Gistingahús- og Matstovusáttmálanum.
Umsóknarfreist
Freistin at søkja starvið er 1. mars 2026. Umsóknir verða viðgjørdar leypandi. Starvsbyrjan er 18. maj 2026. Tú søkir starvið við at senda tína umsókn umvegis frymilin niðast á heimasíðuni HER.
Hevur tú spurningar, ert tú vælkomin at seta teg í samband við okkara matstovuleiðaran Regitze á rp@hafnia.fo.
