Lýsing
Skriva út
Tvey starvsfólk til bú- og viðgerðarstovn í Tórshavn
Talan er um ein bú- og viðgerðarstovn fyri ung við umfatandi sálarligum trupulleikum. Arbeiðið á stovninum verður millum annað gjørt í samstarvi við Psykiatriska depilin á Landssjúkrahúsinum.
Endamálið við stovninum er at geva teimum ungu møguleika fyri einum staði, har tey kunnu búgva, samstundis sum tey kunnu fáa neyðugu miljøterapiina saman við aðrari viðgerð. Hetta fyri at tryggja bestu fortreytirnar fyri at koma seg.
Endamálið við viðgerðini er, at hesi ungu fólkini fáa eitt sjálvbjargið og innihaldsríkt lív sum ger at tey kunnu taka virknan lut í samfelagnum.
