Almannaverkið
Lýsing
Um tú vilt gera ein mun fyri børn og ung við autismu og um tú brennir fyri at skapa karmar fyri menning og trivnaði, so hevur tú møguleikan at gerast okkara starvsfelagi í okkara fantastiska og heilt serstaka frítíðartilboði.
Søkt verður eftir tveimum fólkum. Einum nýggjum starvsfelaga í sambandi við, at virksemið í tilboðnum verður víðkað og einum starvsfelaga at røkja eitt farloyvisstarv.
Um størvini
- Eitt fast starv 30 tímar um vikuna at byrja skjótast gjørligt ella eftir nærri avtalu.
- Eitt farloyvisstarv 30 tímar um vikuna. Byrjað verður skjótast gjørligt og starvið er til 30.11.2025.
Um umsøkjarar hava ynski um at fáa meiri enn 30 tímar um vikuna, er møguleiki at fáa arbeiðstímar í øðrum tilboðum í eindini Autisma. Arbeiðstíðirnar eru gerandisdagar í dagtímunum ímillum kl. 11.00 og kl. 17.00 og eitt kvøld um vikuna til kl 21.00.
