Lýsing
Varaformaður/-kvinna til kryvjivirkið á Glyvrum
Hevur tú hegni at leiða fólk, soleiðis at tey bæði trívast og avrika væl? Og ynskir tú at gerast ein týdningarmikil partur av framleiðsluni hjá Bakkafrost? So er starvið sum varaformaður/-kvinna í kryvjingini á Glyvrum kanska nakað fyri teg.
Arbeiðsøki
Varaformaðurin/-kvinnan vísir til formannin og hevur til høvuðsuppgávu at leggja til rættis og samskipa dagligu framleiðsluna í samstarvi við formannin og varaforkvinnuna á økinum, umframt við virkisleiðsluna.
Umframt at fyrireika dagliga arbeiðið á kryvjiøkinum, fevnir starvið millum annað um hesar uppgávur:
- At luttaka í øllum arbeiði á kryvjiøkinum
- At røkja skrásetingar og skipanir í samráð við formannin
- At tryggja eitt optimalt framleiðslurensl
- At hava leiðsluábyrgd fyri toyminum, um formaðurin er burturstaddur
- At fremja ymisk menningarátøk á økinum
Talan er um skiftandi arbeiðstíðir, og tað hevur týdning, at umsøkjarar tola broytingar í bæði arbeiðstíð og -innihaldi.
Tín vangamynd
Vit leita eftir einum varaformanni/-kvinnu, sum er skipað/ur og ábyrgdarfull/ur, og sum megnar at samskifta greitt.
Rætti persónurin hevur hegni at leiða starvsfólk, so at tey trívast og avrika væl. Harafturat er týdningarmikið, at varaformaðurin/-kvinnan er til reiðar at taka avgerðir og megnar at arbeiða sjálvstøðugt.
Viðkomandi útbúgving og starvsroyndir innan framleiðslu er ein fyrimunur. Neyðugt er við góðum telduførleika og rætti persónurin hevur eisini lætt við at skilja, hvussu tekniska framleiðsluútgerðin á einum slíkum framkomnum virki virkar.
Sum persónur ert tú framsøkin og virkisfús/ur, og tú hevur ein jaligan hugburð til uppgávurnar.
Vit leggja stóran dent á góð samstarvsevnir, tí í gerandisdegnum kemur tú at hava eitt tætt samstarv við formannin og varaforkvinnuna á økinum.
Vit bjóða
Tú fært eitt spennandi og avbjóðandi starv, og tú gerst partur av eini vælvirkandi eind, ið hvønn dag loysir týdningarmiklar uppgávur.
Tú verður partur av eini fyritøku, ið skapar virðir til føroyska samfelagið við at framleiða heimsins bestu matvøru úr lokalari rávøru. Vit gagnnýta allan fiskin og leggja stóran dent á burðardygd. Vit leggja dent á at hava eitt gott arbeiðsumhvørvi, og bjóða tær góðar starvsfólkatryggingar og eina frálíka kantinu.
Løn og setanartreytir
Løn og treytir eftir nærri avtalu við virkisleiðsluna.
Umsókn
Starvið verður sett sum skjótast, og seinasta freist at søkja er mikudagin 17. november 2021. Tú søkir starvið við at trýsta á knøttin niðanfyri. Allar umsóknir verða viðgjørdar í trúnaði.
Vilt tú hava meira at vita um starvið, ert tú vælkomin at seta teg í samband við Andrias Petersen, virkisleiðara, á fartlf. 23 51 20.
Um Bakkafrost
Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (VAP) er á Glyvrum. Alivirksemið hjá samtakinum er í Norðoyggjum, Eysturoy, Streymoy, Sandoy og Suðuroy. Høvuðsskrivstova felagsins er á Glyvrum.
