Lýsing
Vilt tú gerast partur av okkara stovni, har tú sleppur at seta tín dám og tína ávirkan á námsfrøðiligu kósina saman við okkum? So er møguleikin nú, tí vit søkja eftir varaleiðara og námsfrøðingi til vøggustovuna at byrja 1. mars 2025 ella skjótast til ber. Talan er um størv á 20 og 30 tímar um vikuna. Eisini verður søkt eftir avloysarum.
Um okkum
Fríðriksgarður opnaði fyrstu ferð í 2019, og halda vit til í gamla brúna skúla, sum er umvældur til at húsa 2 vøggustovur og 2 barnagarðsstovur.
Í Fríðriksgarði er barnið í miðdeplinum, og leggja vit dent á at skapa góðan trivnað við tryggleika, umsorgan og menning. Somuleiðis leggja vit dent á at hava virðing fyri hvørjum øðrum og ymiskleikanum, eins og gott foreldrasamstarv hevur ein týðandi leiklut í at skapa bestu fortreytir fyri trivnaðin og menningina hjá barninum.
https://www.torshavn.fo/um-kommununa/starv-i-kommununi/leys-stoerv?job=144530
