Lýsing
Í Barnabata arbeiða vit hvønn dag fyri, at hjálpa og bøta um kor, uppvøkstur og menning hjá børnum og ungum.
Vit leita nú eftir einum eldhugaðum aðalskrivara, sum vil arbeiða fyri at styrkja Barnabata og arbeiði fyri trivnað og rættindum hjá øllum børnum og ungum í Føroyum.
Starvsheiti: Aðalskrivari
Arbeiðsstaður: Niels Finsensgøta 32. 2H, 100 Tórshavn - møguleiki er partvís at arbeiða heimanífrá.
Arbeiðstíð: talan er um fulltíðarstarv við áramálssetan í 5 ár. Møguleiki er fyri at leingja setanina.
Førleikakrøv: krav er ikki til eina ávísa útbúgving, men ynskiligt er at tú hevur bachelor innan viðkomandi fakøkið. Metir tú teg hava viðkomandi fakligar førleikar og persónligar eginleikar, so frætta vit fegin frá tær.
Starvið verður lønt eftir lønarstig 33 hjá tænastumonnum landsins.
Umsóknarfreist er sunnudagin 26 jan. 2024
UM STARVIÐ:
Í hesum starvi fært tú møguleika at:
- Gera ein mun fyri trivnað og uppvakstrarkor hjá børnum og ungum.
- Arbeiða fyri ein felagsskap, ið brennir fyri at skapa broytingar øllum børnum at frama.
- Gera munagóðar broytingar, sum tryggja børnum og ungum eina sterkari rødd í samfelagnum.
- Vera barnanna rødd, tá politiskar broytingar ella avgerðir skulu takast
- Hava ávirkan á, hvussu samfelagið Føroyar skipar og setur í verk barnarættindi
Arbeiðsuppgávur tínar koma í høvuðsheitum at fevna um:
- Í samstarvi við Betri Vinir-undirvísara at samskipa og hava ábyrgd av arbeiðinum við Betri Vinum.
- at standa fyri og hava ábyrgd av barnatelefonini 116111.
- at samskipa og hava ábyrgd av árligu jólakonsertini Í Menniskjum Góður Tokki, og at taka sær av umsóknum til fíggjarligan stuðul.
- Virka fyri at menna og seta okkara strategisku átøk í verk.
Vit leita eftir tær, sum:
- Brennir fyri at gera ein mun fyri børn og ung í samfelagnum.
- Hevur royndir við ráðgeving, verkætlanarleiðslu og samskifti.
- Hevur eitt gott samfelagsligt tilvit, og fylgir við í hvat rørir seg innan barna- og ungdómslívið í okkara samfelag, og í heiminum generelt.
- Hevur góð samstarvsevni og dugir at byggja góðar relatiónir, eisini í eini politiskari skipan, har tað er umráðandi at vera uppsøkjandi og upplýsandi um somu leið.
- Arbeiðir skipað og hevur eyga fyri góðsku.
- Ert nýhugsandi og skapandi, og dugir at finna loysnir.
Vit bjóða tær:
- Eitt meiningsfult arbeiði, við einum sera týdningarmiklum endamáli.
- Møguleika fyri fakligari menning og luttøku í skeiðum og ráðstevnum.
- Smidleika í arbeiðsdegnum og javnvág millum arbeiði og privatlív.
Vit vænta:
- At tú megnar at arbeiða sjálvstøðugt, og kanst taka avgerðir – tú verður andliti úteftir, og ein profilur hjá Barnabata
- At tú dugir væl at orða teg, eisini í almennum høpi
- At tú ert nýhugsandi og proaktivur, og fylgir við í hvat rørir seg í samfelagnum
- At tú hevur gott yvirblikk og ert skipaður í tínum arbeiði
- At tú megnar at umsita heimasíðu og aðrar telduskipanir, tá peningainnsavning er
- At tú hevur gott fíggjarligt tev
Harafturat fellir starvið sum aðalskrivari undir heitið dekorum, sum merkir, at tú ert ambassadørur, og hevur serliga ábyrgd í mun til børn og ung, og í mun til samfelagsliga ábyrgd. Tú kemur at ganga á odda fyri Barnabata, og at vera almenna andlitið úti í samfelagnum.
Umsókn
Umsókn og CV skal sendat til Turið Horn, nevndarforkvinnu, á teldupostadr. turidhorn@icloud.com í seinasta lagi sunnudagin 26 jan. Kl 12.00.
Hevur tú spurningar um starvið, ert tú vælkomin at seta teg í samband við nevndarforkvinnuna Turið Horn á tlf. 275100.
Vit gleða okkum at hoyra frá tær og vóna, at tú vilt vera við til at skapa eina bjartari framtíð fyri børn í Føroyum.
Barnabati – Tí øll børn hava rætt til ein tryggan barndóm.
