Lýsing
Ynskir tú, at læra meira um klæðir, ítróttaútgerð og um kundatænastu? At mennast, har ið skúli og arbeiðslív ganga hond í hond? Tín dagligi arbeiðsstaður verður í Hoyvík, men ætlanin er, at tú skalt uppliva alt felagið, sum eina heild.
Umframt hetta er skúlagongdin í Danmark.
Starvsbyrjan og lærutíð SPORT 24 ynskir ein handilslærling á toymið.
Starvsbyrjan er um 1. mai 2024 ella eftir nærri avtalu.
Tú verður útlærd/ur innan handil við sergrein.
Talan er um eitt fulltíðarstarv, har lærutíðin veldst um hvørja miðnámsútbúgvin tú hevur.
Við einum FHS-prógvi er lærutíðin 3 ár, við HH-prógvi er lærutíðin 2 ár og um tú hevur HF- ella studentsprógv er lærutíðin 2,5 ár. Verður tú væntandi liðug/ur við miðnám í summar, so ert tú hjartaliga vælkomin at søkja, og vit tillaga starvsbyrjan o.a., eftir tínum lestnaði.
Týdningarmikið er tó, at hetta kemur greitt fram í umsóknini.
Fyri okkum er týdningarmikið, at tú:
- Ert fyrikomandi, smílandi og røkin
- Ert áhugað/ur í at selja og geva kundanum eina góða uppliving
- Ert fleksibul í samband við arbeiðsuppgávur og arbeiðstíðir (viðvíkjandi arbeiðstíðum verður dentur lagdur á, at arbeiði eisini fevnir um leygardagar – og at desember mánaði fyllir nógv)
- Kann starvast sjálvstøðugt eins og í toymi
- Hevur møguleikan at fara til Danmarkar á skúla fýra ferðir, tvær vikur í senn, í lærutíðini
- Hevur eina miðnámsútbúgving
Fyrimunur er, um tú hevur FHS ella HH.
Um tú hevur aðra miðnámsútbúgving ert tú vælkomin at søkja, men tá krevst at tú tekur einkult fak á Handilsskúlanum.
Umsókn
Umsókn, miðnámsprógv og onnur viðkomandi skjøl skulu sendast umvegis teldupost til hp@sport24.fo - Umsóknarfreistin er 10. mars 2024 á midnátt.
Hevur tú spurningar, ert tú vælkomin at seta teg í samband við Ásu Pólsdóttir, starvsfólkaleiðara, á tlf. 257786 (gerandisdagar millum kl. 10 – 15).
