Lýsing
Eitt starv er leyst at søkja á Giljagarði frá 1. desember 2025 ella skjótast aftaná. Arbeiðstíðin er í miðal 28 t/viku í blandaðum vaktum og annað hvørt vikuskifti.
Á Giljagarði eru 10 búpláss, og har starvast heilsurøktarar, heilsuhjálparar, sjúkrarøktarfrøðingar, hjálparfólk umframt reingerðarfólk. Umframt vanligu røktarnormeringina er sjúkrarøktarfrøðingur eyka tríggjar dagar um vikuna. Eisini koma fysio- og ergoterapeutar regluliga á Giljargarð.
Sum heilsurøktari kemur tú, umframt at veita røkt og umsorgan til búfólk, at hava samábyrgd av umsiting og dosering av heilivági, skjalfestan og møguligum læknasamskifti, at tryggja, at viðkomandi virðir verða máld og skjalfest og at miðla vitan til starvsfelagar.
Sum heilsuhjálpari kemur tú m.a. at veita eina góða og grundleggjandi røkt og umsorgan av búfólkunum, at eygleiða og boða frá broytingum og at tryggja heilivágsgevan til búfólk.
Vit leggja dent á, at umsøkjarin hevur:
- Áhuga í at veita røkt og umsorgan, og at skapa innihald í degnum til eldri búfólk
- Áhuga í at arbeiða innan heilsustimbran, fyribyrgjan og endurmenning
- Evnir at samstarva við aðrar fakbólkar
- Evnir at handfara skiftandi tørvir hjá borgarunum
Vit bjóða:
- Eitt spennandi og jaligt arbeiðsumhvørvi
- Góða innleiðslu
- Góðar og hugnaligar arbeiðsumstøður og fjølbroyttar avbjóðingar
- Gott samstarv við aðrar fakbólkar
- Møguleikar fyri førleikamenning
- At venja ókeypis á Miðstøðini í Leirvík
Um eingin við útbúgving sum heilsurøktari ella heilsuhjálpari søkir starvið, tilskila vit okkum rætt at seta onnur í tíðaravmarkað starv. Vit bjóða góða upplæring og arbeiðsuppgávurnar verða tillagaðar.
Setan og løn
Starvið verður sett sambært sáttmála við KAF/Fíggjarmálaráðið og avvarðandi yrkisfelag. Um tú ynskir nærri kunning, ert tú vælkomin at ringja til Almu Samuelsen, deildarleiðara á tlf. 730282.
Umsóknir
Umsókn við prógvum og CV skulu sendast við telduposti til: alma@eystur.fo ella í brævi til Nánd, Oyran 2, 512 Norðragøta og skulu vera okkum í hendi seinast fríggjadagin 24. oktober 2025.
Tú kanst lesa meira um Nánd her
