Lýsing
Vónin hevur tørv á einum nýggjum sølufólki til at røkja eitt sera spennandi og fjølbroytt starv. Starvið fevnir um sølu av trolreiðskapi til uppisjóvarvinnuna her heima eins væl og uttanlands.
Førleikar
Vit ímynda okkum, at tú hevur royndir frá trolara og dugir at síggja teg í einum starvi sum sølufólk, ella at tú hevur royndir sum sølufólk og hevur stóran áhuga fyri fiskivinnuni.
Vit bjóða
Vit bjóða eitt starv í eini altjóða fyritøku, sum er ein av fremstu innan sítt øki. Starvið er fjølbroytt, har tú bæði kemur at arbeiða á kontórinum men eisini ert og vitjar kundar í Føroyum og uttanlands. Tú kemur í stóran mun sjálv/ur at mynda títt arbeiði, og verður arbeiðsstaðurin á høvuðssæti okkara í Fuglafirði.
Starvstreytir
Lønarviðurskifti og setanartreytir verða sambært avtalu við leiðsluna.
Umsókn
Vil tú vita meir um starvið ert tú vælkomin at ringja til Hjalmar Petersen á telefon 214392.
Skrivlig umsókn við CV, prógvum og møguligum viðmælum eigur at vera okkum í hendi í seinasta lagi 1. september og skulu sendast til hjalmar@vonin.com við evninum “sølufólk”
Vónin varð stovnað í 1969 og er í dag ein av heimsins fremstu framleiðarum av fiskireiðskapi og aliútgerð við 17 deildum í Føroyum, Kanada, Grønlandi, Norra, Litava, Danmark og Russlandi. Í samtakinum starvast umleið 450 fólk.
