Landsverk
Fulltrúi til Deildina fyri Infrakervi - farloyvisstarv
· Suðurstreymoy
Tíðaravmarkað starv, Faklært, Fulltíðarstarv
2026-12-07
Dugir tú at greina torgreidd mál og at samskifta við nógv ymisk fólk? Vilt tú vera við til at skapa góðar loysnir til borgarar, tað almenna og áhugafeløg á samferðsluøkinum? So gleða vit okkum til at fáa tína umsókn.
Tín høvuðsuppgáva verður at viðgera mál eftir landsvegalógini og aðrari lóggávu, sum er viðkomandi á samferðsluøkinum. Ein týðandi partur av arbeiðinum verður innan almenna fyrisiting, eitt nú at vegleiða almennar myndugleikar, borgarar og áhugafeløg um t.d. ferðsluætlanir, ferðslutrygd, bygging og grevstur fram við landsvegunum umframt viðgera mál um tyrlupallar og havnir. Tú skalt meta um umsóknir og klagur, taka og skriva væl grundaðar avgerðir. Arbeiðið krevur, at tú dugir at savna og greina upplýsingar og miðla torgreidd mál.
Tað er ikki eitt krav, at tú ert serfrøðingur í lógartilfarinum – tað kunnu vit læra teg! Tó er týðandi, at tú hevur áræði, góð greiningarevni og arbeiðir miðvíst og skipað.
