Lýsing
Søkt verður eftir sálarfrøðingi til Blákrossheimið til setan 1. oktober 2022 ella skjótast tilber.
Talan er um fast fulltíðarstarv.
Blákrossheimið veitir ambulanta og samdøgursviðgerð til vaksin við rúsnýtsluórógvi og teirra avvarðandi. Eisini er ambulant viðgerð til ung niður í 15 ár. 15 starvsfólk eru knýtt at Blákrossheiminum. Starvfólkahópurin er samansettur av sálarfrøðingum, psykoterapeutum, sjúkrarøktarfrøðingi, lækna, heilsurøktara, rúsevnisviðgerum, presti, kokki, kvøldvaktum, náttarvaktum og skrivara. Vit leggja stóran dent á at veita viðgerð við nærlagni og góðari tænastu til okkara brúkarar og teirra avvarðandi. Umframt hetta fáa vit javnan ráðgeving frá psykiatara við atliti til dupultdiagnosur. Høvuðsviðgerðarleisturin er DAT (dialektisk atferðarterapi). Við eini holistiskari menniskjaáskoðan veita vit vegleiðing til tað heila menniskjað, nakað, sum hevur týdning fyri at skapa framgongd.
Arbeiðið hjá sálarfrøðingunum umfatar í høvuðsheitum sálarfrøðiliga viðgerð av bæði ungum og vaksnum brúkarum, einstaklingasamrøður, bólkaundirvísing, útgreining, tvørfakligt samstarv við hinar fakbólkarnar á stovninum og tvørtur um geirar. Samskipan er sostatt ein týdningarmikil partur av arbeiðinum.
Førleikakrøv:
Sálarfrøðingur við løggilding. Viðkomandi arbeiðsroyndir eru ein fyrimunur
Dentur verður lagdur á:
- Arbeiðsroyndir innan útgreining og viðgerð av ungum og vaksnum.
- Hevur lætt við at koma í samband við menniskju.
- Hevur áhuga fyri at arbeiða við bæði ungum og vaksnum.
- Hegni til at arbeiða sjálvstøðugt og samstarva tvørfakligt innanhýsis og tvørtur um
geirar. - Fakligt arbeiðssemi og ágrýtni í mun til arbeiðsuppgávurnar.
- At tú ert álitisvekjandi og hevur góð innlivingar- og samstarvsevni.
Vit bjóða:
- Nærlagda innleiðslu til arbeiðið
- Tvørfakligt samstarv
- Áhaldandi fakliga menning
- Møguleika fyri at fáa útbúgving í DAT, KAT og PE í 2023
- 2 tímar av einstaklinga supervisión um mánaðin
- Vikuliga bólkasupervisón
Løn/setanartreytir:
Talan er um fulltíðarstarv. Lønin og aðrar setanartreytir verða ásettar sambært sáttmála millum Fíggjarmálaráðið og Akademikarafelag Føroya.
Umsókn saman við prógvum, CV, viðmælum v.m. skal vera okkum í hendi í seinasta lagi 22. septembur 2022 kl.14.00
Nærri fæst at vita um starvið, við at venda sær til Jüttu J. Olsen, leiðara á Blákrossheiminum. T-post: jutta@blakross.fo, ella tlf. +298 780 760
Umsóknin skal sendast til:
blakrossheimid@blakross.fo
Att.: Jütta J.Olsen, leiðari
Blákrossheimið
www.blakrossheimid.fo