Lýsing
Vit sóknast eftir einum dugnaligum og ágrýtnum leiðara at hava dagligu ábyrgdina av sjamerandi og søguligu matstovuni, Katrinu Christiansen.
Eitt spennandi starv í eini vinnu í vøkstri, har tú fært møguleika at seta tín dám á tænastuna og upplivingina hjá gestum okkara.
Uppgávurnar sum leiðari fevna m.a. um, at:
- Tryggja eitt høgt tænastu- og góðskustøði, sum tryggjar gestunum eina góða uppliving
- Tryggja ein skynsaman og burðardyggan rakstur
- Samskipa arbeiðsbýtið og gera arbeiðsætlan fyri starvsfólkini
- Virka fyri at skapa eitt gott arbeiðsumvørvið
- Vit vænta, at tú ert sjónlig/ur og tekur lut í dagligu gongdini og uppgávunum
Tú:
Tú ynskir ávirkan, tekur ábyrgd í tínum arbeiði, og ert til íblástur hjá tínum starvsfeløgum. Harumframt ynskja vit, at:
- Tú hevur viðkomandi royndir innan tænastuvinnuna og at veita góða tænasta er umráðandi fyri teg
- Tú hevur góð samskiftisevni og megnar at skapa gott samstarv millum starvsfólkini
- Tú trívist í einum livandi umhvørvi við fjølbroyttum uppgávum
Setanartreytir
Løn og setanartreytir eru sambært avtalu.
Umsókn
Tú søkir starvið við at senda tína umsókn umvegis frymilin niðast á heimasíðuni HER
Umsóknarfreistin er 26. januar 2025. Umsóknir verða viðgjørdar leypandi.
Meira fæst at vita um starvið við at seta teg í samband við Peter Hentze á tlf. 23 31 46 ella ph@hafnia.fo
Um Katrinu Christiansen
Katrina Christiansen er sjarmerandi og søguliga matstova okkara í hjartanum av Tórshavn. Her bjóða vit fleiri smærri tapas-rættir, við íblástri frá føroyskum matsiði og føroysku náttúruni.
Tað eru framíhjárættindi at fjálga um okkara viðskiftafólk við gamla, staðbundna andanum, ið er í húsunum. Við teimum nógvu, týdningarmiklu staklutunum er hetta líka nógv eitt savn sum ein matstova. Vit hava roynt at varðveita alt í so upprunaligum standi sum gjørligt.
