Lýsing
62°N er ein av fremstu fyritøkunum innan ferðavinnu í Føroyum. Vit veita heildarloysnir innan ferðing bæði út í heim og í Føroyum, samskipa tiltøk & ráðstevnur, hotell, vinnuferðir, starvsfólkaferðir o.a. Vit hava meira enn 60 ára royndir og leggja stóran dent á dygdargóða tænastu á øllum okkara økjum.
Ert tú okkara nýggi 62°N Hotel leiðari?
Vit leita eftir einum ágrýtnum leiðara til 62°N Hotel, ið sær møguleikar og hevur hug at menna og leiða 62°N Hotel, ið liggur mitt í hjartanum í Havnini. Hetta er eitt spennandi starv fyri teg, sum hevur drívmegi, strategiska fatan og evni at skapa framúr góðar upplivingar til okkara gestir.
Uppgávurnar fevna m.a. um
- Tryggja framhaldandi vøkstur og menning av hotellinum
- Leggja til rættis marknaðarføringarátøk og søluherferðir
- Samstarva og samskifta við undirveitarar og samstarvspartnarar
- Tryggja eitt gott og hugkveikjandi arbeiðsumhvørvi fyri starvsfólkatoymið
- Seta arbeiðsgongdir í skipan, optimera og effektivisera
- Tryggja at gestinar fáa eina hágóðsku tænastu
- Aðrar fyrifallandi uppgávur
Hvør ert tú?
Vit leita eftir tær, sum hevur:
- Drívmegi og brennur fyri sølu og kundatænastu
- Góð/ur til at samskifta á ymiskum málum
- Evni at arbeiða skipað og sjálvstøðugt
- Dugir at hava nógvar bóltar í luftini og arbeiða undir trýsti
- Kunnleika til føroyska og norðurlendska marknaðin
- Dugir og hevur góða fatan av marknaðaføring
- Góðan teldukunnleika
- Royndir innan sølu, marknaðarføring og/ella leiðslu – hetta er ein fyrimunur
- Hevur kunnleika til og er áhugað/ur í Føroyum sum ferðafólkalandi
Vit bjóða tær:
- Eitt avbjóðandi og spennandi fulltíðarstarv
- Møguleika at seta tín dám á hotellið og menning
- Starvsetan frá 1. apríl 2025 ella eftir nærri avtalu
- Løn eftir avtalu umframt eftirlønarskipan
Umsókn og meira kunning
Vilt tú vita meira um starvið, ert tú vælkomin at seta teg í samband við Leivur Samuelsen, stjóra, á tlf. 73 35 05 ella við telduposti á leivur@62n.fo.
Umsóknir skulu sendast til starv@62n.fo í seinasta lagi hósdagin 15. mars 2025. Allar umsóknir verða viðgjørdar í trúnaði.
Les meira um okkum á www.62n.fo.
Vit gleða okkum at hoyra frá tær!
