Lýsing
Sansirnir vakja minnini og gera máltíðirnar til stjørnuløtir
Tað krevur fakliga vitan, hegni og umhugsni, at skapa máltíðir, har angi og smakkur stimbra sansirnir, minnini og ríkar um lívið. Tá eru máltíðirnar stjørnustundir í gerandisdegnum.
Køkurin á Boðanesheiminum søkir eftir einum dugnaligum og arbeiðssomum føðsluatstøðingi, kokki ella líknandi til setan 1. december 2022 ella eftir nærri avtalu.
Boðanesheimið lat upp í 2012. Heimið er innrættað í tveimum hæddum við trimum búeindum. Heimið hevur tvær røktareindir, við 24 plássum hvør, og eina demenseind við 16 plássum.
Tilsamans eru 64 búpláss.
Umframt hetta ger køkurin døgurða til Virkisstovuna gerandisdagar, har 10 heimabúgvandi borgarar koma dagliga.
Talan er um eitt starv á setanarbrøki 0,95 svarandi til 38 tímar um vikuna, ella eftir nærri avtalu. Arbeiðstíðin er frá kl. 7 til 15 og arbeitt verður 3. hvørt vikuskifti.
Leinki til lýsing:
https://www.torshavn.fo/um-kommununa/starv-i-kommununi/leys-stoerv?job=143653
