Runavíkar Kommuna
Lýsing
Runavíkar kommuna søkir eftir gravara at byrja skjótast gjørligt.
Um starvið:
At grava og fyrireika gravir er bert ein – men týdningarmikil - partur av starvinum.
Haraftrat fert tú eisini at:
- Samskipa jarðarferðir,
- Samskifta við avvarandi, prestar v.m.,
- Vegleiða undir jarðarferðini.
Í Runavíkar kommunu eru seks kirkjugarðar. Í Elduvík, Funningi, Oyndarfirði, Skála, Glyvrum og Rituvík. Arbeitt verður útfrá Lambareiði, men arbeiðsstaðurin er á øllum kirkjugørðunum eftir tørvi. Umframt tað praktiska rundanum jarðarferðirnar halda og røkta gravararnir eisini kirkjugarðarnar í kommununi.
Starvið er fulla tíð.
Roknast má við, at tað viðhvørt verður neyðugt at arbeiða uttanfyri vanliga arbeiðstíð.
