Lýsing
Almannaverkið søkir eftir einum fakliga sterkum leiðara til deildina Venjing og Samskifti, sum við rehabilitering og venjing stuðlar borgarum til størri sjálvbjargni.
Um starvið
Sum leiðari hevur tú fakliga, fíggjarliga og starvsfólkaliga ábyrgd av deildini, og ert við til at tryggja eina høga fakliga dygd og eitt gott arbeiðsumhvørvi.
Deildin veitir samskiftismenning, endurvenjing og viðlíkahaldsvenjing sambært lóg um almannatrygd og tænastur.
Leiðarin hevur ábyrgdina av øllum virkseminum á deildini og skal tryggja at málsviðgerð, útgreining, venjing og viðgerð byggir á yrkisdugnaskap, heildarsýn og tvørfakliga hugsan. Eisini skal leiðarin við støði í fíggjarætlanini tryggja javnvág millum uppgávur, tilfeingi og loysnir.
Sum leiðari skalt tú saman við starvsfólkunum seta borgaran í miðdepilin, tryggja góðar samanhangandi endurvenjingargongdir, menna tænastuna og tryggja gott samskifti við viðskiftafólk, starvsfólk, leiðslu og myndugleikar.
