Lýsing
Tórshavnar kommuna søkir vegna Barna- og ungdómshúsið Látrið í Nólsoy eftir námsfrøðingi at arbeiða 30 til 40 tímar um vikuna.
Starvsetan skjótast til ber.
Látrið er ein bygdastovnur, har børn og ung í aldrinum 0 til 18 ár ganga. Vit halda til í góðum hølum ovast í bygdini. Vit leggja dent á, at menna og menta børnini í samsvari við námsfrøðiligu stevnumiðini.
Virksemið á Látrinum er býtt upp í vøggustovu, barnagarð, frítíðarskúla, barnahús og ungdómshús.
Í løtuni tørvar okkum ein námsfrøðing í frítíðarskúlanum at arbeiða 30 tímar. Møguleiki er fyri, at samskipa starvið við 2-3 kvøld um vikuna í ungdómshúsinum, soleiðis at talan kann verða um eitt fulltíðarstarv.
Frítíðarskúlin er opin gerandisdagar millum kl.11 og 17 og ungdómshúsið hevur opið 3 kvøld um vikuna, mánadag til fríggjadag kl. 19 til 22. Arbeiðstíðirnar kunnu væl lagast til ferðaætlanina hjá SSL.
