Lýsing
Landsverk sóknast eftir tænastuhugaðum fólki til reingerð í dagtímum, at arbeiða uml. hálva tíð (22,5 tímar um vikuna).
Landsverk hevur tørv á einum starvsfólki til okkara reingerðartoymi, sum í gerandisdegnum hevur ábyrgd av at halda matstovuna, vesini, skrivstovu- og fundarhøli rein og ruddilig, syrgja fyri at blómurnar trívast og á middegi seta matin á borðið í matstovuni og at rudda av aftur. Tú fert at arbeiða saman við einum øðrum reingerðarfólki, sum eisini arbeiðir 22,5 tímar um vikuna.
Um teg
Vit leita eftir tær, sum leggur dent á góða tænastu, hevur eyga og hegni fyri reingerð og at syrgja fyri einum hugnaligum og fjálgum umhvørvi á stovninum. Tú tekur ábyrgd, arbeiðir sjálvstøðugt, møtir til tíðina og setur tín dám á gerandisdagin.
Reingerðarfólkið hevur ein týðandi leiklut fyri trivnaðin á stovninum og tí leggja vit dent á góð samstarvsevni, eitt gott huglag og góðan hugburð. Tú samskiftir á føroyskum, enskum ella donskum, og tað kann verða ein fyrimunur, um tú hevur royndir frá einum líknandi starvi áður.
Um okkum
Tú gerst ein týdningarmikil partur av einum arbeiðsplássi, har vit leggja dent á samstarv og at taka tøkini í felag. Vit veita eina góða og gjølla upplæring, sum letur teg væl í uppgávur og væntanir. Vit leggja dent á trivnað og trygd, og fyri okkum hevur tað týdning, at arbeiðsdagurin er ein góð uppliving.
Um starvið
Starvið er fastlønt fulltíðarstarv. Løn- og setanartreytir annars eru sambært sáttmála við Havnar Arbeiðskvinnufelag.
Tín arbeiðsstaður verður skrivstovan Yviri við Strond í Havn.
Umsóknir
Umsókn, lívsrensl (cv) og avrit av møguligum viðmælum skulu sendast umvegis heimasíðu okkara www.landsverk.fo og vera okkum í hendi í seinasta lagi 20. mars 2025.
Nærri upplýsingar um starvið kunnu fáast við at venda sær til Ásu Ósá, HR-ráðgeva, á tlf. 290 816 ella við telduposti á asos@lv.fo.
