Lýsing
Vilt tú vera við til at styrkja og menna samskiftið í einum av størstu almennu stovnunum í Føroyum?
Vit leita eftir einum dugnaligum og skapandi samskiftisfólki, sum hevur hug og hegni at menna okkara samskifti bæði innanhýsis og úteftir.
Um starvið
Samskiftisfólkið hevur ábyrgd av innanhýsis og uttanhýsis samskiftinum hjá Almannaverkinum. Starvið fevnir um at menna og umsita heimasíðuna, innannetið og sosialu miðlarnar, tryggja greiða og atkomiliga kunning og styrkja samleikan og ímyndina hjá Almannaverkinum.
Samskiftisfólkið arbeiðir strategiskt og praktiskt við samskifti. Veitir leiðsluni ráðgeving, framleiðir tekstir, grafiskt tilfar og annað samskiftistilfar og er við til at styrkja arbeiðsgevaraprofilin, so Almannaverkið verður eitt sjónligt og attraktivt arbeiðspláss.
Starvið krevur góðar samskiftisførleikar, grafiskt hegni og tekniska fatan, umframt førleika at samskipa samskiftisátøk tvørs av øllum virkseminum.
