Lýsing
Er tú áhugað/ur í at læra, forvitin og til reiðar at gerast partur av eini fyritøku í vøkstri?
Vit sóknast eftir ágrýtnum og nærløgdum lærlingi til bókhaldið og fyrisitingina.
Í lærutíðini kemur tú at gera bókhalds- og skrivstovuarbeiði, samskifta við kundar og veitarar umframt at avgreiða aðrar fyrifallandi uppgávur.
Útbúgving og royndir
Vit vænta, at tú:
- Hevur lokið FHS, HH ella búskaparbreyt
- Dugir væl at samskifta á føroyskum, donskum og enskum, bæði í skrift og talu
- Hevur góðar telduførleikar viðvíkjandi Office-forritum og sosialum miðlum
Persónligir eginleikar
Vit vænta av tær, at tú hevur fylgjandi eginleikar:
- Hevur góðar samstarvsevnir, ert fleksibul/-ur og tænastusinnað/-ur
- Ert ábyrgdarfull/-ur og miðvís/-ur
- Kanst arbeiða sjálvstøðugt, sum frá líður
- Ert álítandi og vísir øðrum virðing
Setanarviðurskifti
Starvið sum skrivstovulærlingur verður lønt sambært avtalu við Samverk.
Áhugaðir umsøkjarar, ið ynskja at vita meira um starvið, eru vælkomnir at venda sær til Duritu Krosstind Gregersen.
Telefon: 739511
Teldupostur: durita@el.fo
Umsókn
Skrivligar umsóknir við prógvum og viðmælum skulu vera ELFO í hendi í seinasta lagi 10. juli 2026.
Umsóknir kunnu sendast við telduposti til durita@el.fo ella við posti til:
ELFO
Slættanesvegur 5
100 Tórshavn
Rætti umsøkjarin byrjar í skrivstovulæru 18. august 2026.
Um ELFO
ELFO starvast við øllum innan el-arbeiði og er ein heildarveitari av elektriskum anleggum og skipanum til sterkstreym og veikstreym.
ELFO er ein fyritøka í menning, og í løtuni starvast 43 fólk hjá ELFO. Flestu arbeiða úti hjá kundum, meðan 4–6 fólk dagliga eru á kontórinum.
