Lýsing
Søkt verður eftir:
- námsfrøðingi í tíðaravmarkað starv vegna farloyvi skúlaárið 2026/27. Setanarbrot á 0,6.
Vestmanna skúli er ein miðalstórur skúli við 170 næmingum, sum virka í einum stuðlandi og mennandi læruumhvørvi. Skúlin er rótfestur í bygdarmentanini og liggur í náttúruvøkrum umhvørvi, beint við Gjógvará og viðarlundina, eitt hanagleiv frá bæði sandinum og hagan.
Vit leggja dent á at hava fakliga høgt støði, har næmingar og starvsfólk tráa eftir at røkka langt í felag. Skúlin er merktur av einum felagsskapi, har starvsfólkini altíð eru til reiðar at førleikamenna seg og royna nýggjar leiðir.
Vit leita eftir tær sum hevur hesar førleikar
- megnar at samstarva og samskifta
- er til reiðar at menna teg sjálvan og skúlan
- hevur ein jaligan hugburð til næmingar og undirvísing
- dugir at fevna ymisleikan og taka ábyrgd
Førleikakrøv
Tann, ið settur verður, skal vera námsfrøðingur. Umsøkjarar, sum hava royndir við sernámsfrøði hava møguligan fyrimun. Um ongin námsfrøðingur søkir starvið, kann hjálparfólk verða sett ístaðin.
Barnaváttan krevst í samband við setanina.
Lønar- og setanartreytir
Starvið verður lønt sambært sáttmála millum Føroya Pedagogfelag og Fíggjarmálaráðið.
Umsóknir við CV, avrit prógvum og møguligum viðmælum skulu vera skúlanum í hendi í seinasta lagi 27.08.2026 kl. 12:00.
Umsóknir verða stílaðar til Kristionnu Vinniedóttir, skúlastjóra, á kristianna.vinniedottir@skulin.fo.
