Sølu- og ferðaráðgevi til ferðaskrivstovuna Enjoy

Enjoy leitar eftir einum sølu- og ferðaráðgeva at byrja í føstum starvi uml. 1. mars 2025.

Enjoy er ein føroysk ferðaskrivstova, ið bleiv sett á stovn í 2022, sum selir pakkaferðir til Føroya. Í løtuni er eitt fólk í føstum starvi við skrivstovu á Hotel Føroyum.

Arbeiðsuppgávurnar fevna um:

• At svara fyrispurningum
• At seta saman ferðir og senda tilboð
• At samskifta við gestirnar og teir ymisku ferðavinnuveitararnar í Føroyum
• At vera tøk/ur at loysa ymiskar avbjóðingar/broytingar, sum kunnu taka seg upp, meðan gestirnir eru í Føroyum

Vit vænta, at tú:

• hevur arbeiðsroyndir frá ferðavinnuni
• hevur HH prógv (sølubúskap og marknaðarføring) ella líknandi
• dugir at samskifta á donskum og enskum
• ert fleksibul, og megnar at hava fleiri bóltar í luftini í senn

Arbeiðsvikan er 30-40 tímar um vikuna (eftir avtalu). Løn verður sett eftir avtalu.

Umsóknarfreist: 8. desembur 2024.

Ljóðar hetta sum nakað fyri teg, ella vilt tú vita eitt sindur meira, so ert tú vælkomin at senda ein teldupost til helena@enjoy.fo / 217509.