Lýsing
Vit bjóða tær eitt spennandi og fjølbroytt starv innan grannskoðan, bókhald og skatt. Tú verður partur av einum dugnaligum og ágrýtnum starvsfólkatoymi. Arbeiðsuppgávurnar eru fjølbroyttar og tú fært gott innlit í føroyska vinnulívið. Vit bjóða tær góðar skeiðs- og útbúgvingarmøguleikar.
Løn og setanartreytir annars eftir avtalu og starvið verður sett sum skjótast.
Um Grannskoðarastovuna
Á Grannskoðarastovuni starvast í dag 9 fólk, 3 bókhaldarar og 6 grannskoðarar. Okkara arbeiðsuppgávur fevna millum annað um grannskoðan, roknskap og bókhald, umframt skatta- og fíggjarviðurskifti. Skrivstova okkara er í Saltangará og hava vit fleiri enn 40 ára royndir innan grannskoðan og fíggjarliga ráðgeving.
Um teg
Vit vænta at tú hevur viðkomandi útbúgving og arbeiðsroyndir. Sum persónur tú ert arbeiðssom/samur, røkin og hevur eyga fyri smálutum. Umráðandi er at tú hevur góð samstarvsevnir og ert álítandi.
Umsóknir
Umsókn við prógvum og lívsgongdarlýsing skal sendast á teldupost: gs@gs.fo.
Umsóknir og fyrispurningar vera viðgjørd í trúnaði. Freistin er 30. september 2024.
Vilt tú vita meira um starvið, er tú vælkomin at seta teg í samband við Bjørt í Grógv á tlf 59 16 11 ella á bg@gs.fo.
