Lýsing
Heilsu- og umsorganartænastan søkir eftir tveimum ergoterapeutum, til fast starv frá 1. januar 2025 ella skjótast gjørligt.
Talan er um avbjóðandi og gevandi størv í einum tvørfakligum toymi, har lyklaorðini fyri ergoterapeutiska arbeiðið eru aktivitetur og luttøka fyri tann eldra borgaran í Tórshavnar kommunu, so hesin gerst virkin og vakin alt lívið.
Arbeitt verður við at menna tænastuna til borgaran til eina rehabiliterandi tilgongd, har støðið verður tikið í gerandisdegnum hjá borgaranum og stórur dentur verður lagdur á tvørfakligt samstarv við røktarstarvsfólk og fysioterapeutar. Ergoterapitoymið er staðsett í Heilsuhúsinum, ið veitir tænastu til búfólk og heimabúgvandi borgarar, og har tær tvørgangandi tænasturnar verða skipaðar.
Leinkja til starvslýsingina á okkara heimasíðu
