Lýsing
Hevur tú hug og hegni at átaka tær leiðslustarv í føroyska fólkaskúlanum og virka fyri alsamt at menna skúlans arbeiði, so hevur tú møguleika at søkja starvið sum varaskúlastjóri í Hoyvíkar skúla. Her sleppur tú saman við leiðslutoyminum, at seta tín dám á vangan hjá skúlanum framyvir.
Í Hoyvíkar skúla ganga um 370 næmingar í 1. til 9. flokki. Í skúlanum er eisini eitt skúlatilboð til børn við autismu og líknandi avbjóðingum. 50 starvsfólk starvast í løtuni í Hoyvíkar skúla. Starvið verður sett frá 1. august 2025.
Søkt verður eftir varaskúlastjóra, sum
- dugir at samstarva og er fyrikomandi
- er fúsur at taka á seg uppgávur í samstarvi við og eftir fyriskipan skúlastjórans
- undir ábyrgd skúlastjórans og í samstarvi við skúlastjóran og leiðslutoymið
annars skal taka lut í og ábyrgd fyri teirri fyrisitingarligu og námsfrøðiligu
leiðsluni av virksemi skúlans
Harumframt skal varaskúlastjórin saman við leiðslutoyminum
- standa á odda fyri fakligari og námsfrøðiligari menning í skúlanum
- átaka sær fyrisitingarliga ábyrgd
- skapa virðing fyri skúlanum og umstøður hjá tí einstaka fyri samávirkan og
medábyrgd
Førleikakrøv
Umsøkjarar skulu hava læraraútbúgving og starvsroyndir í fólkaskúlanum. Harumframt er kann tað vera ein fyrimunur at hava viðkomandi leiðsluroyndir. Umsøkjarin eigur at hava
- góð leiðslu- og samstarvsevni
- vilja og evni at royna nýggjar leiðir
- góðan málsligan førleika á skrift og í talu
- førleikar at taka neyðugar avgerðir og vera sinnaður at fara undir avbjóðingar
Lønar- og setanartreytir
Setanarøkið er Hoyvíkar skúli. Tann, ið settur verður, eigur at tola broytingar í starvinum. Starvið er lønt í lønarflokki 34.1 sambært avtalu millum Fíggjarmálaráðið og Føroya Lærarafelag. Mánaðarlønin er kr. 47.752,62 umframt 17% í eftirløn. Starvið verður sett sum sáttmálasett starv, uttan so, at tann setti er tænastumannasettur lærari frammanundan.
Umsóknir
Umsókn saman við prógvi/-um, CV og møguligum viðmælum skulu vera skúlanum í hendi í seinasta lagi mánadagin 30.apríl 2025.
Umsóknin verður send skúlanum við posti, sí ovast á síðuni, ella við telduposti til:
hoy@skulin.fo
Nærri upplýsingar um starvið fáast við at venda sær til Onnu Mariu Reinert Jensen, skúlastjóra á tlf. 290069 ella við at senda teldupost til hoy@skulin.fo
