Lýsing
Vit søkja eftir dugnaligum og handaligum bilsmiði, við serligum áhuga í at skrúva. Tínar arbeiðsuppgávur verða m.a. størri mekaniskar umvælingar, eftirlit, vanligt viðlíkahald og annað fyrifallandi arbeiði.
Vit vænta, at tú hevur útbúgving og royndir sum bilsmiður, og at tú ikki ert forða/ður í at átaka tær tyngri arbeiði. Somuleiðis vænta vit, at tú ert álítandi, røkin, hevur gott, sjálvstøðugt handalag og dugir væl at samstarva- og samskifta við onnur.
Vit bjóða eitt avbjóðandi og mennandi starv, í einum arbeiðsplássi í støðugari framgongd. Hjá okkum eru uppgávurnar bæði fjølbroyttar og spennandi, og tú kemur at arbeiða í einum jaligum og óformellum umhvørvi, har tú verður partur av dugnaliga og væl smurda mekaniska toyminum á verkstaðnum.
Vit leggja dent á persónligan- og sosialan trivna, og tað hevur stóran týdning, at okkara starvsfólk eru væl ílatin til at útinna sínar uppgávur til fulnar, og bjóða tí góðar møguleikar fyri fakligari menning.
Starvið verður sett skjótast gjørligt, og løn verður avtalað sambært útbúgving og royndum.
Ynskir tú at vita meira um starvið, ert tú vælkomin at seta teg í samband við Dávid Rasmussen á tlf 31 35 35 ella umvegis teldupost til dr@bergmotors.fo
Send okkum umsókn við viðkomandi prógvum, lívsrensl og møguligum viðmælum, umvegis heimasíðu okkara www.bm.fo ella til starv@bergmotors.fo
Umsóknarfreistin er 25. November 2024.
