Lýsing
Kom og lær hjá NUMO.
Kom við á NUMO liðið – og lær nakað, sum veruliga gevur meining!
NUMO leitar eftir einum hugagóðum næmingi, sum ynskir at læra um, hvussu føroyska vinnulívið, búskapur og samfelag virkar – í verki og ikki bara á pappírinum. Hjá NUMO fært tú eina spennandi starvsleið innan grannskoðan, ráðgeving og løgfrøði innan vinnufelagsrætt.
Hvat fært tú?
- Veruligt arbeiði frá fyrsta degi
- Løn undir lestri
- Møguleika at lesa HD og seinni cand.merc.aud.
- Eina útbúgving, sum kann føra til at tú gerst statsautoriseraður/løggildur grannskoðari
- Kunnleika til grannskoðan, bókhald, roknskap, skatt, felagslógir og ráðgeving
- Felagsskap við dugnaligum og fittum starvsfólki
Hvør ert tú?
Tú ert ein, sum:
- Hevur tikið, ella ert í ferð við at taka students-, HF- ella HH-prógv
- Hevur áhuga fyri búskapi og samfelagi
- Hevur vilja at læra og arbeiða
- Dámar at skilja samanhangir og seta spurningar
- Er til reiðar at brúka høvdið og taka ábyrgd
Um NUMO
Vit eru eitt føroyskt grannskoðara- og ráðgevingarfelag, stovnað í 2012.
Vit hjálpa virkjum og feløgum við:
- Grannskoðan og roknskapi
- Skatti og bókhaldi
- Keypi, sølu og umskipan
- Ráðgeving innan felagslóg
Vit eru staðsett í Tórshavn, Klaksvík og Vági, og tú verður knýtt/ur at skrivstovuni í Havn. Tú kanst vænta at skula arbeiða eitt sindur á hinum deildunum eisini.
Hvussu og nær?
Lærutíðin byrjar 1. oktober 2026 ella eftir nærri avtalu.
Starvið verður sett áðrenn summarfrítíðina
Umsóknarfreist: 20. mai 2026
Hvat gert tú nú?
Send eina stutta og greiða umsókn við prógvi til:
Spurningar?
Slá uppá tráðin til Bjarna Arnason á 551300
Slá uppá tráðin til Gert Drangastein á 551350
Allir fyrispurningar og umsóknir verða viðgjørdar í trúnaði.
