Tórshavnar kommuna
Lýsing
Vit søkja eftir starvsfólki, fyri starvsfólk í farloyvi, til at arbeiða við umhvørvismálum hjá Tórshavnar kommunu.
Talan er um eitt spennandi starv, har tú kemur at arbeiða við málum innan umhvørvi, út frá nýggja umhvørvispolitikkinum hjá kommununi.
Tú verður partur av einum toymi, sum arbeiðir tætt saman, fyri at náa teimum málum sum kommunan hevur sett sær. Vit stremba eftir at hava eitt gott arbeiðspláss, har tú fært ávirkan og kemur at trívast og mennast.
Umframt fyrisitingarligt arbeiði og íverksetan av umhvørvispolitikkinum, skipar deildin á hvørjum ári fyri umhvørvisviku, EartHour, ruddingardøgum og øðrum tiltøkum, sum gagnar umhvørvinum og burðardyggari samfelagsmenning.
