Lýsing
Søkt verður eftir:
- 1 námsfrøðingi í tíðaravmarkað starv, skúlaárið 2024-2025 í Tofta skúla og Frítíðarskúlanum í Nes kommunu við samlaðum lønarbroti á 0,6. Námsfrøðingurin verður knýttur at næmingi í innskúlingini.
Skúlanum tørvar ein námsfrøðiligan stuðul, ið eru arbeiðshugaður, nærlagdur, samstarvshugaður, tekur ábyrgd og sær møguleikar.
Tann, ið settur verður, skal hava námsfrøðiliga útbúgving ella royndir sum námsfrøðiligur stuðul. Um eingin námsfrøðingur søkir, verður starvið skipað sum hjálparfólkastarv.
Tann, ið settur verður, eigur at tola broytingar í starvinum í setanartíðarskeiðinum.
Endaligt tímatal verður ásett eftir 15. september.
Lønar og setanartreytir:
Námsfrøðinga- ella hjálparfólkastarvið er sáttmálasett, lønt sambært sáttmála millum Føroya Pedagogfelag og Fíggjarmálaráðið. Námsfrøðingar verða løntir í lønarflokki 11-24. Hjálparfólk verða lønt í lønarflokki 3-9.
Umsóknir, við c.v. og avriti av prógvum, skulu sendast til tof@skulin.fo og verða skúlastjóranum í hendi í seinasta lagi hósdagin 11. juli kl. 12.00.
Nærri fæst at vita um starvið frá Olafi Magnussen, virkandi skúlastjóra, á tlf. 56 50 15
Tofta skúli hevur komandi skúlaár 207 næmingar í 1. – 10. fl.
Tú kanst lesa meira um okkum á heimasíðuni www.toftaskuli.fo
