Lýsing
(16 t um vikuna)
Søkt verður eftir starvsfólki til at taka sær av skrivstovuuppgávum hjá Magistarafelagnum. Talan er um 1 ára barsilsstarv, har høvuðsuppgávurnar verða at:
- Umsita limaskránna og limagjøld
- Røkja heimasíðuna og sosialar miðlar hjá felagnum
- Umsitingarligar uppgávur
- Fyrireika og vera skrivari á nevndarfundum
- Umframt annað fyrifallandi
Starvið verður sett frá 15. august 2026 ella eftir nærri avtalu
Førleikakrøv:
Vit ynskja eitt starvsfólk, sum er:
- røkið, skipað í sínum arbeiði og megnar at arbeiða sjálvstøðugt
- fyrikomandi og dugir væl at samskifta
- stint í føroyskum, bæði í skrift og talu
Áhugi fyri fakfelagsarbeiði og royndir innan skrivstovuyrkið eru ein fyrimunur. Lesandi á hægri lærustovnum eru eisini vælkomin at søkja.
Løn og setanartreytir:
Starvið er 16 um vikuna. Møguleiki er fyri ein part at tillaga arbeiðstíðir eftir ynski hjá tí, ið sett/ur verður, í samráð við nevndina. Tó skal skrivstovan vera opin fastar tíðir um vikuna.
Starvið verður sett og lønt eftir avvarðandi sáttmálaøki.
Starvsstaður er Óðinhædd 11 í Tórshavn.
Umsóknir:
Umsókn skal sendast við telduposti til starv@magistarin.fo. Umsóknir skulu vera Magistarafelagnum í hendi í seinasta lagi 20. mai 2026.
Nærri kunning um starvið:
Umsøkjarar eru vælkomnir at venda sær til Páll Nolsøe, formann, á tlf. 551028 ella magistarin@magistarin.fo fyri nærri upplýsingar.
Um Magistarafelag Føroya
Magistarafelagið er fakfelag fyri fólk við akademiskum prógvi frá viðurkendum hægri lærustovni. Endamálið hjá Magistarafelagnum er at virka fyri góðum, tryggum og mennandi arbeiðs- og lívskorum hjá limum felagsins. Felagið hevur í løtuni umleið 430 limir. Magistarafelagið er partur av Akademikarafelag Føroya. Sí meira kunning um felagið á www.magistarin.fo
