Lýsing
Vit søkja eftir einum skipaðum summarferiuavloysara í eitt tíðarskeið á millum 8 til 10 vikur. Starvið er ætlað at dekka inn fyri tvey starvsfólk, sum fara á feriu skiftivís, og tí verður arbeiðið fjølbroytt og týðandi fyri dagliga raksturin.
Arbeiðstíð
- Skiftandi arbeiðstíðir, bæði morgun- og seinnapartstíðir. Arbeitt er eisini í vikuskiftinum.
- Arbeiðstíðirnar verða lagdar í samráð við starvsfólkaskrivstovuna og framleiðsluna
Dagligar uppgávur
- Taka ímóti starvsfólki og svara fyrispurningum (feria, arbeiðstíð, frítíð o.a.)
- Setan av starvsfólki og yvirlit yvir manning
- Samskifta við framleiðslu og økisfólk um dagsins arbeiði
- Hjálpa starvsfólki við praktiskum og fyrisitingarligum spurningum
Aðrar uppgávur
- Hjálpa til við upplæring og trivnaði hjá starvsfólkum
- Avloysa í ymiskum uppgávum eftir tørvi
Vit vænta, at tú:
- Er skipað/ur og álítandi
- Er fleksibul og trívist við skiftandi arbeiðstíðum
- Er sinnað/ur at arbeiða sunnudagar
- Er fyrikomandi og dugir væl at samskifta við ymisk starvsfólk
- Trívist við bæði fyrisitingarligum og praktiskum arbeiði
- Hevur grundleggjandi telduførleikar
Arbeiðsstað: Góðskingarvirkið hjá Hiddenfjord í Sørvági
Umsókn
Umsókn við stuttari frágreiðing um teg og tínar royndir kann sendast til heida.nolsoe@hiddenfjord.com í seinasta lagi fríggjadagin 17/5/26. Hevur tú spurningar um starvið, ert tú vælkomin at seta teg í samband við Heiðu Nolsøe á tlf. +298 288252
Um Hiddenfjord
Hiddenfjord er ein føroysk familjufyritøka, sum alir laks í Føroyum. Felagið hevur verið í stórari menning í mong ár og hevur í løtuni umleið 250 starvsfólk. Hiddenfjord hevur smoltstøð, aling á sjónum, góðskingarvirki og søludeild. Vit leggja stóran dent á menning, dygd og at virka í samljóði við náttúruna.
