Lýsing
Skúlin við Løgmannabreyt søkir eftir einum samstarvshugaðum og fakliga dugnaligum lærara í tíðaravmarkað starv frá 1. oktober 2026 til og við 18. juni 2027.
Skúlanum tørvar lærara, ið kann átaka sær at undirvísa í støddfrøði í mið- og hádeild.
Lønarbrotið er 1,0.
Søkt verður eftir lærara, sum
- dugir at samstarva
- virka í toymum
- er fyrikomandi og sýnir ein jaligan hugburð
- dámar avbjóðingar og torir at ganga nýggjar leiðir
- hevur áræði til at taka ábyrgd.
Førleikakrøv
Til starvið krevst læraraprógv.
Skúlin bjóðar
- nútímans skúla
- starv við møguleika at bróta upp úr nýggjum
- góðar arbeiðsumstøður
- starvsfólkahóp, ið ikki ræðist avbjóðingar.
Lønar- og setanartreytir
Lærarastarvið er sáttmálasett, uttan so, at tann, ið sett/-ur verður, er tænastumannasettur lærari frammanundan.
Lærarastarvið verður lønt í lønarflokki 18.1 – 29.2 sambært avtalu millum Føroya Lærarafelag og Fíggjarmálaráðið.
Barnaváttan verður kravd í samband við setanin.
Umsóknir
Umsóknir saman við avriti av prógvi, skeiðum, frágreiðingum um arbeiðsroyndir og møguligum viðmælum skulu verða Skúlanum við Løgmannabreyt í hendi í seinasta lagi týsdagin 15. september 2027, kl.12.
Tú fært meiri at vita
um starvið frá Turid Vang Frederiksen, skúlastjóra, á tlf. 280 318.
Umsóknin verður stílað til:
Skúlin við Løgmannabreyt
Postrúm 3174
110 Tórshavn
ella við telduposti: turid.frederiksen@skulin.fo
Um skúlan:
Skúlin við Løgmannabreyt er 2-sporaður skúli í Hoyvík. Næmingatalið er uml. 370 í níggju árgangum. Í skúlanum starvast 35 lærarar, skrivari, 2 húsavørðar, 6 vaskifólk og heilsufrøðingur.
Virðisgrundarlag skúlans er menning, virðing og yrkisføri.
