Starvsfólk til Bónus í Miðlon

Til Bónus í Miðlon leita vit eftir einum fryntligum og fyrikomandi starvsfólki, ið leggur í at geva kundunum bestu innkeypsupplivingina.

Tú fær lutvísa ábyrgd av kassunum og økinum har, og sjálvandi annað fyrifallandi í handlinum.

Tað er umráðandi, at tú er fyrikomandi og hevur lætt við at samskifta við kundar og starvsfelagar.

Talan er um eitt starv á áleið 35 tímar um vikuna, har arbeiðstíðin vanliga er í dagtímunum mánadag til fríggjadag.

Ert tú áhugað/ur í at gerast partur av toyminum í Miðlon, kanst tú senda okkum nøkur orð um teg sjálva/n umvegis leinkjuna her: https://hr.sms.fo/Application/Index/2316.

Hevur tú spurningar til starv ella starvssetan, kanst tú venda tær til Bárður Olsen, handilsleiðara, á telefon 233441.