Lýsing
Viðgerðarstovnurin Frælsi søkir eftir starvsfólki til fast starv at byrja tann 01. september 2026 ella eftir nærri avtalu. Arbeitt verður í skiftandi vaktum, har ið tú ert partur av einum toymi við námsfrøðingum, sjúkrarøktarfrøðingi, rúsevnisviðgera og løggildum sálarfrøðingi – umframt ófaklærdum. Gerandisdagurin á Viðgerðarstovninum Frælsi er sera fjølbroyttur. Viðgerðartilgongdin er bygd á eina kognitiva atferðarterapeutiska tilgongd og miljøterapeutiska tilgongd. Harumframt er ein stórur partur av viðgerðini bygd á virknisnámsfrøði, førleikamenning og ymisk ítriv.
Sum starvsfólk kemur tú at:
- Vera partur av viðgerðini av fólki, sum eru í rúsevnisviðgerð
- Arbeiða í einum sterkum fakligum toymi
- At menna og eftirmeta viðgerðarætlanina saman við kontaktpersóni og samstarvi við viðgerum, námsfrøðingum, sjúkrarøktarfrøðingi og sálarfrøðingi
- Skapa tryggar karmar í gerandisdegnum fyri tey, sum er í rúsevnisviðgerð og taka lut í fjølbroyttum aktivitetum saman við teimum, ið eru í viðgerð
- Skjalføra viðgerðartiltøk, sum eru í rúsevnisviðgerðini og samskiftið við avvarðandi myndugleikar
Um starvið:
Tú kemur at arbeiða í vaktum, sum eru frá klokkan 08.00 til 20.00. Somuleiðis kemur tú at arbeiða onkur vikuskifti frá klokkan 08.00 til 20.00. Allar vaktir eru 12 tímar. Starvstíðin er svarandi til 0,6 í starvsbrøki.
Førleikar:
Øll við áhuga og førleikum fyri rúsevnisviðgerð eru vælkomin at søkja. Tað er fyrimunir at hava eina fakliga útbúgving innan eitt viðkomandi fakøki.
Eisini verður væntað, at tú hevur:
- Koyrikort
- Hevur gott yvirlit
- Ert ábyrgdarfull/ur
- Tú kanst arbeiða sjálvstøðugt
- Dugur væl at samskifta
Løn:
Løn sambært avvarðandi sáttmála.
Umsóknarfreist:
Umsóknarfreistin er á middegi tann 05.08.2026.
Fleiri upplýsingar:
Nærri upplýsingar fáast við at venda sær til Joan K. Johansen, dagligan leiðara, á tlf. 723569.
Søkja starvið?
Send umsókn til teldupostadressu joan@frh.fo.
Viðgerðarstovnurin Frælsi er stovnur á Eiði fyri ungar rúsevnismisnýtarar. Vit hjálpa fólki at koma úr teirra rúsevnatrupulleikum. Frælsi hevur opið allar dagar í árinum og alt samdøgrið. Á stovninum arbeiða námsfrøðingar, sjúkrarøktafrøðingur, hjálparfólk og rúsevnisviðgerar og løggildur sálarfrøðingur. Serlækni er eisini tilknýttur.
