Almannaverkið
Lýsing
Í sambandi við, at virksemið verður víðkað, søkja vit eftir tveimum eldhugaðum námsfrøðingum og/ella sjúkrarøktarfrøðingum til Heimaráðgevingina. Her fært tú møguleika at arbeiða tætt saman við foreldrum og avvarðandi og at brúka tína fakligu vitan til at finna loysnir, sum skapa ein tryggari og betur skipaðan gerandisdag fyri familjur, sum hava barn við autismu og/ella ADHD/ADD.
Um størvini
Søkt verður eftir námsfrøðingi og/ella sjúkrarøktarfrøðingi at arbeiða 40 tímar um vikuna at seta 01.10.2026 ella eftir nærri avtalu. Møguleiki er fyri niðursettari arbeiðstíð. Starvsstaðurin er í Havn, og arbeiðstíðin er mánadag til fríggjadag í dagtímunum.
